Friday, 26 November 2010 09:21
LA UNION - Agbabbabawi ti 32-anyos a mister kalpasan a maipagarup nga impa-injection na ti mabagbagi daytoy tapno dumakkel gapu iti pananglalais ti misisna idiay La Union.
Iti interview ti Bombo Radyo La Union iti nasao a mister kabayatan a daytoy ket agpapaimbag idiay Ilocos Training and Regional Medical Center, kinunana a tunggal agnaigda iti 31-anyos a misis daytoy ket agsaksakit ti nakemna gapu iti pananglalais kenkuana.
Iti laksid ti kinadakkel iti bagi ti mister ket maipagarup a saan a maibagay ti rukod iti mabagbagina gapu ta mabasbassitan ti asawana ken maipagarup a siam a tawenen nga agdindinna dagitoy ket awan pay ti anakda.
Maipagarup nga immasideg ti nasao a mister iti maysa a bading a mabigbigbig idiay lugarda nga agitudtudok ti agas a pampadakkel iti mabagbagi ti lalaki.
Napalaos ti ragsak dagiti agassawa kalpasan nga immipekto ti agas a naitudok iti mabagbagi ti mister ken dimmakel iti namittlo a daras manipud iti sigud a rukod daytoy a maipagarup a mas dakdakkel pay ngem iti lata ti sardinas.
Kalpasan iti sumagmamanu a lawas, maipagarup a nakarikna iti panagsakit ti mabagbagina ti mister. Limteg ken maipagarup a bimtak ti mabagbagi daytoy kagiddan iti panagruar ti nana. Marigatan pay a magna ti mister gapu ta apektado dagiti luppona.
Agbabbawi met ti misis gapu iti pananglalaisna kenni mister nga ibagbagana a bassit ti mabagbagina tunggal iti inda panagnaig.
Iti agdama ket saan pay nga ammo ti doktor ti klase iti agas wenno kemikal a naitudok iti mabagbagi ti mister.
No comments:
Post a Comment